محادثة جانبية (1)

حمدي غالب يكتب: محادثة جانبية (1)
محادثة جانبية (1)

1- ما حدث انقلاب
2- لا ياسيدي مش انقلاب دي ثورة شعبية احتضنها الجيش
1- يا عمي متقلش الكلام ده عيب انت صايم
2- علي فكرة انت نيتك وحشه وعندك هوس جنسي، احتضنها بمعني راعاها

1- طيب لو ثورة صح ليه الجيش بيحكم؟
2- انت عبيط جيش ايه اللي بيحكم، فيه رئيس مؤقت وفيه نائب رئيس ووزراء
1- الطرطور هههه اللي محد معبره ، وكل شوية بيانات من السيسي وخطابات وطلب تفويضات.
2- مانتي خروف حتبرر وخلاص
1- يا عمي انا بررت حاجة، انتي اللي بتبرر دلوقتي للانقلاب والثورة المضادة
2- يا ام الدماغ الوسخة، قلنا مش انقلاب مش انقلاب،
1- طيب ثورة مضادة تنفع؟
2- يا بني في ثورة مضادة البرادعي حيوافق يشترك فيها، مش رمز من رموز ثورة يناير، ودي موجه من موجات يناير 2011
1- لا ياسيدي الجيش والاعلام بيقول انها ثورة 30 يونيو المجيدة يعني مش يناير
2- هم يقولوا اللي هم عايزينه بس دي موجة يناير
1- طيب لو البرادعي زحلقوه ومشي ولا هو استقال،
2- معشان كدة احنا بنطالب الجميع دعم البرادعي ، وياريت الاخوان ينسوا ان مرسي راجع ويقفوا مع البرادعي ، ده لو عايزين الثورة تنجح.
1- يناير ولا يونيو؟
2- قلنا ثورة واحدة يناير؟
1- طيب ميناير نجحت، الاخوان شاركوا فيها ومسكوا الحكم،
2- بس خدوا الحكم لوحديهم.
1- طيب دلوقتي انت عايزهم يدعموا البرادعي ليه
2- عشان ثورة يناير تنجح
1- طيب انتم مدعمتهمش ليه، مش هم شركاء ثورة يناير؟
2- هم طماعين وخونة
1- طيب ليه عايز مساعدتهم دلوقتي؟
1- عشان الفلول ميرجعوش الحكم تاني.
1- ازاي يعني؟؟؟
2- يعني دلوقتي الفلول ممكن يستفردوا بالبرادعي ويقصوه
1- وده ممكن يحصل؟
2- احتمال
1- ليه هو بس البرادعي اللي في الحكم من ثورة يناير؟
2- ايوة
1- والباقي
2- مش من الثورة قوي؟
1- فيه وزرا من بتوع مبارك
2- المهم خلينا في اللي احنا فيه دلوقتي، الوزرا سهل تغيرهم بعدين
1- يعني ايه اللي حتعملوه دلوقتي؟
2- حيتعدل الدستور الزفت بتاع الاخوان
1- مين اللي هيعدله
2- في لجنة اتعين من عشر اشخاص لتعديل
1- تعيين ولا انتخاب
2- تعيين
1- مين هم العشرة؟
2- مش عارفهم بالظبط بس بالتاكيد ناس كويسة
1- حيعدلوا ايه في الدستور؟
2- والله هم حيعملوا اللازم،
1- يعني حضرتك واثق في لجنة مش منتخبة ولا تعرف اسماءها ولا تعرف ايه اللي حيعدلوه علي دستور عملته لجنة منتخبه واستفتي عليه الشعب؟
2- الشعب مغيب، والاخوان اشتروا الاصوات بالزيت والسكر
1- طيب وبعد تعديل الدستور؟
2- حنروح انتخابات رئاسية
1- طيب ولو الشعب جاب الاخوان تاني؟
2- مش حيحصل المرة دي، حيتفقوا علي مرشح واحد للثورة
1- ثورة يناير ولا يونيو؟
2- هي ثورة يناير واحد والباقي موجات
1- يعني لو نجح مرشح الثورة حيبقي الشعب مش مغيب؟
2- يا عمي الناس فهمت في السنة دي، وشافت الازمات وعرفت ان الشعارت الاسلامية لوحدها متوكلش عيش
1- طيب لما انتو عارفين كدة ليه مرضتوش تدخلوا انتخابات مجلس الشعب، بدال الناس كرهت الاخوان؟
2- عشان الاخوان كانوا حيزوروا الانتخابات؟
1- طيب خلاص يا عمي رجعوا مرسي وهاتوا حكومة مستقلة واعملوا انتخابات مجلس الشعب؟
2- مرسي مش راجع، ده فاشل والشعب شاله وخلاص، وفيه ناس ماتت في حكمه.
1- يعني لو الناس اتجمعت بالملايين عشان تشيل السيسي حتقدر؟
2- يا عم السيسي وزير دفاع مش رئيس.
1- يعني الرئيس بس اللي يتشال بالمظاهرات ام الوزراء لا؟ مش انت لسة قايل شوية الوزرا سهل يتغيروا؟
2- ياعمي ده قائد جيش محدش يقدر يشيله؟
1- اومال انت عاملي فيها زعيم وانك شاركت في ثورة وشالت مرسي ودلوفتي تقلي ما اقدرش اشيل قائد الجيش؟
2- الجيش اللي ماسك البلد
1- يعني مش الرئيس الطرطور؟

يسقط يسقط حكم العسكر

محادثة جانبية (1)

محادثة جانبية (1) :: تعاليق

محادثة جانبية (1)