الفار الشجاع

اصبحت أباً فأضحيت جباناً، منذ ان منَ الله علي ببنيتي الامورة شروق وانا بقيت جبان، متفهمش ليه؟ يعني الاول مثلا مكنتش تفرق كتير، باطي والنجم كيف ما بيقولون، اول مكانت تحصل حادثة او موقف مش ولا بد، كنت باسحب اللابتوب بتاعي ، وافتح صفحة وورد جديدة واكتب ياسيدي، وانشر بدون مراجعة وبدون خوف، وكانت كلماتي كالاحجار تصيب من تصيب، وكنت لا اخشي في الله لومة لائم.

ايوة انا باعترف اني من ساعة مبقيت اب وانا بقيت جبان، طيب في الامس القريب مش حصل موضوع كبير في البلد، وانا مقدرتش اتكلم عنه، مش الواد الصغير طلع ارجل مني، وقال ابوه حمدان حامد سليم (الله يسامحه) مسميه فار، ياسيدي ده اسد، بارك الله فيه ، الواد مستحملش ان يسمع واحد بيشتم بلده، عشان هو راجل لوحده مش مستني يشرب بريل، وعمل اللي ربنا قدره عليه، ويابخته لقي من يسنده ياسيدي، واللي ليه ضهر ميضربش علي بطنه، فشكرا للشيخ احمد عاشور وبقية مجلس ادارة الجمعية.

ايوة انا باعترف اني من ساعة مبقيت اب وانا بقي جبان، طيب ساكت ليه ومتكلمتش ليه علي الجماعة بتوع جمعية طوخ في الكويت، ايوة انا والله مقدر التعب بتاعهم وسعيهم مشكور باذن الله، وسياتون يوم القيامة يمشون في نور، واشرف اني كنت واحد من اللي وضعوا اللبنة التاسيسية بتاعتها، بس مش هم قالونا ان كل ست شهور في كشف حساب حيجي لكل مشترك في الجمعية، عشان الناس تعرف جمعنا كام فلوس وصرفنا كام وباقي كام، واهو لنا حوالي سنة ولا نص ولا حس ولا خبر.

لكي الله ياشروق وبارك الله في جدك واعمامك

حمدي غالب طايع

الفار الشجاع

الفار الشجاع :: تعاليق

الفار الشجاع